Miratohet vendimi i qeverisë për zgjedhjen e bordit të KPMM-së

04 nëntor 15:55

Komisioni parlamentar për Ekonomi, Industri, Ndërmarrësi dhe Tregti për Ekonomi me gjashtë vota për ka mbështetur vendimin e qeverisë për aprovimin e rekomandimit të Komisionit Ndërministror për Investime Strategjike për dhënien e statusit investitor strategjik për subjektin investues “Kosmonte Foods”.

Komisioni në fjalë në dy mbledhjet e kaluara ka shqyrtuar këtë vendim, për të cilin ka pasur kritika nga opozita.

Kryetari i këtij komisioni, Ferat Shala, ka theksuar se debati për këtë vendim është shterur në dy mbledhjet e kaluara.

“Ne për këtë pikë kemi diskutuar së paku dy herë në Komision dhe konsideroj që debati është shterur. Ka mbetur në mungesë të kuorumit çështja e votimit dhe besoj që është koha të qesim në votim dhe të procedojmë më tutje. Me 6 vota për, miratohet vendimi i Qeverisë”, ka thënë Shala, raporton “Ksp”.

Po ashtu, deputetët kanë miratuar vendimin e qeverisë për zgjedhjen e bordit të Komisionit të Pavarur për Miniera dhe Minerale (KPMM).

Shala ka thënë se përkundër vonesave të mëdha, procesi i përzgjedhjes së këtij bordit ka shkuar në terr informativ.

“Procedurën e kanë përcjellë edhe shkelje të tjera, por megjithatë, unë do të rezervohem sot përhirë të procesit dhe nevojës që ka Komisioni i Pavarur për Miniera dhe Minerale që ta ketë megjithatë bordin, ku janë më shumë se 250 kërkesa dhe lëndë që presin në këtë komision për t’u zgjidhur”, ka thënë Shala.

Lajme të sponsorizuara

Të fundit
Kryeministri i Shqipërisë, Edi Rama, gjatë bashkëbisedimit me gazetarë në…