Një “vaksinë e vetme” kundër gripit sezonal dhe koronavirusit. Kjo wshtw ajo qw synohet tw arrihet nga teknologjia mRna e cila në një kohë shumë të shkurtër ka bërë të mundur arritjen e vaksinave më efektive anti-Covid.

Për të parashikuar zhvillimin e një përforcuesi bivalent është Andrea Carfì, kreu i hulumtimit të sëmundjeve infektive në Moderna dhe koordinator i ekipit që zhvilloi vaksinën mRna (mRNA-1273) kundër Covid-19.

“Testet klinike për vaksinën e gripit do të fillojnë së shpejti. ARN ju lejon ta azhurnoni shpejt në lloje të reja dhe të rrisni efektivitetin e saj krahasuar me atë aktual”.

Qëllimi i Moderna është “të zhvillojë një vaksinë të vetme kundër gripit dhe koronavirusit” e cila midis provave klinike dhe procedurave të autorizimit mund ti duhet “një ose dy vjet” për t’u bërë të disponueshme.

Përveç kësaj, portofoli i kompanisë bioteknike amerikane përfshin gjithashtu të paktën 20 programe të tjera të zhvillimit të serumit mRNA, duke përfshirë vaksinat kundër HIV, virusit Zika dhe virusit sincital të frymëmarrjes (RSV), me katërmbëdhjetë që tashmë kanë hyrë në fazën e provës klinike, përfshirë provën tashmë në një fazë të përparuar në lidhje me “dozën e tretë” të formulimit anti-Covid e cila mund të arrijë në vjeshtë.

Ndërkohë, Moderna gjithashtu njoftoi rezultatet paraprake nga prova klinike TeenCove mbi vaksinën Covid për 12-18 vjeç, duke pritur që t’u dërgonte të dhëna rregullatorëve në fillim të qershorit për autorizim.

“Përgjigja imune e adoleshentëve është aq e mirë sa tek të rriturit – shpjegoi Carfi, duke iu referuar efikasitetit 100% të vërejtur tek adoleshentët pas administrimit të dy dozave.