Mori pjesë në gara të shpejtësisë, policia e gjobit një person me 400 euro dhe për dhjetë muaj i ndalohet vozitja
08 prill 2024
| 18:59
Policia e Kosovës, përmes një video të publikuar në rrjete sociale, ka identifikuar shoferin i cili ka marrë pjesë në gara ilegale të shpejtësisë, shkruan Reporteri.net.
Ndaj të njëjtit është shqiptar gjobë 400 euro, katër pikë negative, e poashtu i është marrë leja për dhjetë muaj.
Njoftimi:
“Parandalimi i garave ilegale të shpejtësisë në autostradë”
Njësia për Kontroll të Autostradave në kuadër të planit “Parandalimi i garave ilegale të shpejtësisë në autostradë” dhe në bazë të publikimit të video incizimeve në rrjetet sociale ka identifikuar shoferin që ka marrë pjesë në gara ilegale të shpejtësisë, i njëjti është gjobitur 400 €, 4 pikë negative dhe 10 muaj i është ndaluar drejtimi i mjetit me veprim motorik.