Jose Mourinho ka zbuluar se ka refuzuar mundësinë për të marrë drejtimin e ekipit kombëtar të vendit të tij dhe këmbëngul se ai ishte zgjedhja e parë e Federatës Portugeze të Futbollit për këtë punë.

Trajneri i Romës ka pranuar se ai ishte kontaktuar nga presidenti i PFP, Fernando Gomes, përpara emërimit të Roberto Martinez në fillim të janarit, por ka vendosur të mos shkonte, sipas raportimeve nga “Cabine Desportiva”.

Raportet kishin sugjeruar se 59-vjeçari ishte në garë për të marrë vendin e Brazilit, me Tite një nga disa menaxherët ndërkombëtarë që la postet e tyre pas një Botërori të dobët, por ai duket se do të qëndrojë te Roma.

Ish-trajneri i Chelseat ishte konsideruar si një nga pretendentët për të marrë drejtimin nga Fernando Santos pas largimit të tij, pjesërisht për shkak të besimit se ai do të ishte në gjendje të merrte më të mirën nga Cristiano Ronaldo.

Dhe sipas vetë Mourinhos, ai ishte “opsioni i vetëm” i presidentit Gomes përpara refuzimit të ofertës.

“Fakti që presidenti i FPF-së tha se nuk isha zgjedhja e tij e parë, por e vetmja, më bën krenar. Por vendosa të mos shkoj. Unë jam këtu dhe kjo është ajo që ka rëndësi”, ka thënë Mourinho.

“The Special One” është ndoshta trajneri më i mirë që ka prodhuar ndonjëherë kombi i tij dhe është një nga më të suksesshmit në epokën moderne të futbollit.

Ai ka fituar dy Liga të Kampionëve, tituj të ligës në katër vende të ndryshme, tetë kompeticionet e kupave, pesë tituj kontinental dhe ka kompletuar tripletën me Porton dhe Interin në një karrierë të mbushur me trofe.

Dhe nuk është sekret se ish-trajneri i Chelsea dhe Manchester United është i prirur të marrë përsipër një ekip kombëtar në një moment të karrierës së tij.