Mungesa e konsensusit rrezikon procesin e dialogut me Serbinë

07 gusht 07:53

Nënkryetari i Lidhjes Demokratike të Kosovës, Lutfi Haziri ka bërë me dije se mosarritja e konsensusit të gjerë politik rrezikon dialogun me Serbinë.

Haziri në një intervistë dhënë gazetës “Epoka e re”, ka thënë se me mospërfshirjen e opozitës dhe shoqërisë civile, ky proces do të jetë i pasuksesshëm ose do të dështojë.

Ai ka thënë se do të ishte mirë të arrihet një konsensus për dialogun, për zgjedhjet e reja, agjendën evropiane dhe krijimin e Ushtrisë.

Nënkryetari i LDK-së e ka mbrojtur qëndrimin e tij se Lugina e Preshevës duhet t’i bashkohet Kosovës, dhe ka bërë me dije se kjo temë duhet të diskutohet me Serbinë.

Haziri ka paralajmëruar se në vjeshtë Kosova mund të shkojë në zgjedhje të reja, pasi sipas tij do të ketë angazhime më intensive.

(Intervistën e plotë mund ta lexoni në numrin e sotëm të gazetës “Epoka e re”)

Lajme të sponsorizuara

Të fundit
Presidenti turk, Recep Tayyip Erdogan, është një nga liderët që…