Muriqi: Ofertat po më motivojnë, dua të bëhem legjendë në Fenerbahçe

30 shtator 2019 | 10:36

Vedat Muriqi nuk ka arritur të shënojë gol në derbin e Stambollit, ku skuadra e tij Fenerbahçe ishte mysafire e Galatasarayt.

Sulmuesi nga Kosova bëri një paraqitje jashtëzakonisht të mirë, duke marrë skuadra e tij një pikë tejet të vlefshme. Gjatë ndeshjes Muriqi edhe u gjakos gjatë një dueli në ajër, derisa gjatë gjithë pjesës së dytë e barti fashën në kokë. Pas ndeshjes prizrenasi foli për rrjedhën e lojës, duke thënë se ka dhënë maksimumin në këtë takim. “Ne kishim ardhur këtu për fitore. Ne patëm disa raste, por nuk i konkretizuam. Unë dhashë maksimumin për këtë takim”, ka thënë Muriqi, i cili më pas tregoi se lajmet për interesimin e shumë skuadrave po e motivojnë edhe më shumë. “Këto shkrime për transferime po më motivojnë më tepër. Shumë skaut po i përcjellin kudo në botë dhe kjo është natyrale”, ka shtuar Muriqi. 25-vjeçari nuk ka shprehur dëshirën që të qëndrojë për shumë vite te Fenerbahçe pasi dëshiron të bëhet legjendë e klubit.

“Unë në Fenerbahçe erdha që të bëhem legjendë e ekipit. Shpresoj se këtu do të qëndrojë për shumë vite dhe do ta shkruaj emrin tim me tituj të fituar të kampionit”, ka deklaruar Muriqi.

Në gjashtë takimet e para në kampionat, Muriqi ka shënuar tre gola dhe ka bërë dy asistime me fanellën e Fenerbahçes.

Fjalët Kyçe:

Lajme të sponsorizuara

Të fundit
Lideri i Partisë Demokratike Shqiptare (PDSh), Ragmi Mustafa, ka bërë…