Mustafa: Serbia ta ndjek shembullin e Malit të Zi, të lejojë përdorimin e simboleve kombëtare të pakicave

29 shtator 2020 | 11:13

Kryetari i Këshillit Kombëtar Shqiptar në Luginë të Preshevës, Ragmi Mustafa, ka deklaruar se Serbia duhet ta ndjek shembullin e Malit të Zi, të lejojë përdorimin e lirshëm të simboleve kombëtare të pakicave.

Në profilin e tij në “Facebook”, ai ka shkruar se nuk i takon shtetit t’i përzgjedhë veçoritë identitare të bashkësive të ndryshme etnike/kombëtare.

Mustafa ka vlerësuar se ndalimi i simboleve kombëtare për pakicat flet për karakterin demokratik të një shteti.

“Ftoj qeverinë serbe që të ndjekë shembullin e fundit, shembullin e Malit të Zi. Sepse nuk i takon shtetit t’i përzgjedhë veçoritë identitare të bashkësive të ndryshme etnike/kombëtare. Ndalimi i tyre flet për karakterin demokratik të vetë shtetit, një shteti ku nuk ka të drejta të barabarta për të gjithë qytetarët, në shpërputhje edhe me konventat për të drejtat e njeriut dhe të minoriteteve, të nënshkruara nga vetë ai”, ka shkruar Mustafa.

 

Postimi i plotë i Mustafës:

 

Serbia të ndjek shembullin e Malit të Zi, të lejojë përdorimin e lirshëm të simboleve kombëtare të pakicave

Në një bisedë telefonike me kryetarin e Këshillit Kombëtar të Shqiptarëve në Malin e Zi, Faik Nika, përcjella urimet më të përzemërta për shqiptarët e atjeshëm në përmbylljen e procedurave ligjore për të përdorë lirshëm flamurin kombëtar shqiptar si simbolin e tyre në Mal të Zi.

Pasi që kishin miratuar projektligji në Malin e Zi për përdorimin dhe shfaqjen publike të simboleve nacionale, që u garanton pakicave kombëtare të drejtën dhe lirinë e zgjedhjes, përdorimit dhe vendosjes publike të simboleve kombëtare, si dhe shënimin e festave kombëtare, pa praktika diskriminuese, ky edhe është vendimi më i rëndësishëm në ruajtjen mbrojtjen e identitetit kombëtar e kulturorë.

Ftoj qeverinë serbe që të ndjekë shembullin e fundit, shembullin e Malit të Zi. Sepse nuk i takon shtetit t’i përzgjedhë veçoritë identitare të bashkësive të ndryshme etnike/kombëtare.

Ndalimi i tyre flet për karakterin demokratik të vetë shtetit, një shteti ku nuk ka të drejta të barabarta për të gjithë qytetarët, në shpërputhje edhe me konventat për të drejtat e njeriut dhe të minoriteteve, të nënshkruara nga vetë ai.

Ndryshe nga shtetet e tjera në rajon, Serbia shtetërore mbetet e kufizuar brenda mendësisë nacionaliste e fashiste. E jo pak shqiptarë të Luginës nuk mund të jetojnë në vendlindje për shkak të ngritjes së flamurit kombëtar shqiptar. Shumë të tjerë përballen me procese gjyqësore, ashtu siç është duke u përballur edhe kreu i Këshillit Kombëtar Shqiptar. E gjithë kjo politikë në emër të shtetit ligjor është në fakt politikë e dëbimit dhe mosnjohjes së tjetrit.

Serbia të ndryshojë ligjin, të mos mbetet I vetmi shtet që nuk respekton të drejtën dhe lirinë e përdorimit të simboleve kombëtare

Lajme të sponsorizuara

Të fundit
Një aksident rrugor ka ndodhur sot në mëngjes në rrugën…