Mustafa uron Armin Laschet për zgjedhjen në krye të CDU-së

20 janar 16:26

Me rastin e zgjedhjes së presidentit të ri të CDU-së, Armin Laschet, kryetari i Lidhjes demokratike të Kosovës (LDK), Isa Mustafa, i ka dërguar atij telegram urimi.

“Lidhja Demokratike e Kosovës, paraqet komplimentet e saja për të gjitha parimet e Unionit Demokristian (CDU) dhe ju dërgon urimet e përzemërta për zgjedhjen tuaj si president i CDU-së. Unë ju dërgoj të gjitha urimet më të mira për ushtrimin e mandatit tuaj të ri dhe jam i lumtur t’ju informoj se partia jonë dhe populli i Kosovës me shumë kënaqësi e kanë pritur këtë lajm. Deri sa ju filloni me përgjegjësitë tuaja të reja, dëshiroj t’ju siguroj ju dhe CDU-në për miqësinë dhe bashkëpunimin tonë të vazhdueshëm në interes të partive tona dhe prosperitetet për popullin tonë”, ka thënë Mustafa.

Ai ka shtuar se LDK-ja tashmë po punon ngushtë me CDU-në në kuadër të Partive Popullore Evropiane.

“Bashkëpunim i cili uroj të vazhdoj edhe gjatë mandatit tuaj. I dashur z. Laschet, më lejoni të marr lirinë që të shpreh mirënjohjen tonë për kancelaren Merkel për mbështetjen e saj të vazhdueshme për vendin dhe partinë tonë. LDK-ja dhe populli i Kosovës i janë përgjithmonë mirënjohës për mbështetjen e saj të palëkundur për Kosovën, për pavarësinë dhe vendin tonë në Bashkimin Evropian. Shkëlqesia juaj, pres të takohem me ju gjatë samiteve tona të radhës të EPP-së dhe të shfrytëzoj këtë mundësi të ripërsërisë vlerësimin tonë të lartë ndaj partisë demokristiane”, ka thënë kryetari i LDK-së, Isa Mustafa në këtë urim.

Lajme të sponsorizuara

Të fundit
Kandidatët për deputetë nga radhët e Partisë Demokratike të Kosovës…