Mykhaylo Mudryk edhe pse ende nuk është zyrtarizuar është lojtari më i ri i Chelsea.

Deri mbrëmë ai cilësohej si transferimi i radhës i Arsenalit, por në fund ukrainasi ka zgjedhur “Blutë e Londrës”.

Ditën e djeshme ai ka përfunduar me sukses testet mjekësore, teksa ka mbetur vetëm njoftimi zyrtar nga klubi londinez.

Sot sulmuesi është parë në stadiumin e tij tashmë të ri “Stamford Bridge”.

Aty ukrainasi po përcjell takimin Chelsea – Crystal Palace, që i takon xhiros së 18-të në Premier Ligë.