Ndërron jetë punëtori i shërbimeve sociale në Ferizaj Mërgim Sojeva
Ka ndërruar jetë Mërgim Sojeva, punëtor shumëvjeçar i shërbimeve sociale në Ferizaj.
Me këtë rast, kryetari i Ferizajt, Agim Aliu, përmes telegramit ka ngushëlluar familjen Sojeva, miqtë dhe kolegët e të ndjerit.
“Më pikëlloi pa masë lajmi për ndarjen nga jeta të punonjësit të dalluar të shërbimit social, udhëheqësit të skemës sociale në Qendrën për Punë Sociale, Mërgim Sojeva. I trishtueshëm ky lajm, që pllakosi mërzi në mesin e familjes, të njohurve e bashkëpunëtorëve të të ndjerit. Mërgim Sojevën do ta mbajmë mend gjithmonë si shpresën e më nevojtarëve, punëtorin shembull e prindin e përkushtuar. U prehtë në paqe e dritë pastë shpirti i tij. Ngushëllime familjes, miqve e të njohurve të të ndjerit”, është thënë në telegram ngushëllimin e Aliut. /Epoka e re/