Dy këngëtaret e famshme shqiptare, Rita Ora dhe Dua Lipa, janë shfaqur së fundmi shumë seksi dhe të nxehta. Zakonisht emrat e dy artisteve përmenden bashkë vetëm kur flitet për marrëdhënien e tyre me njëra-tjetrën, por kësaj radhe i ka bashkuar një tjetër detaj, veshja.

Dua Lipa prej disa kohësh ka nisur turneun e saj ‘Future Nostalgia’ në Europë, ku së fundmi është fotografuar “topless” me një fustan maxi të gjatë duke vizituar një galeri arti gjatë ditës së saj të pushimit në Berlin.

26-vjeçarja kishte veshur një fustan të lirshëm me printime lulesh të madh dhe të çarë në pjesën e përparme.

Dua dukej me stil si gjithmonë, duke veshur një palë taka të gjelbra me rripa dhe syze dielli drejtkëndëshe elegante.  Ajo po ashtu mbante një xhaketë me stampa ngjyrë portokalli në dorë ndërsa mbërriti në Boros Bunker në Mitte për të parë koleksionin e artit bashkëkohor.

Nga ana tjetër, edhe Rita Ora ngriti temperaturat në mediat sociale duke u shfaqur në fotot e fundit në “Instagram” “topless”. 31-vjeçarja u shfaq me një bluzë gjysmë të tejdukshme  me printe me mëngë të gjata. Duke vendosur fokusin te dekolteja e guximshme, ajo kishte vënë një varse ari që shkruante Daddy.