Në varreza

30 nëntor 2019 | 10:03

Lulzim Tafa

NË VARREZA

I.
Selam alejkum

Qoftë livdue Jezu Krishti
Çka keni ra në mendime

Pse nuk më ktheni përgjigje
Lutje deri në klithje

Gratë në të bardha
Burrat me kostume të drunjta
Burra e gra
Bashkë
Koka të gurta

Gurët flasin
Për ata
Ata nuk flasin

Selam alejkum
Çka keni ra në mendime

ll
E bekuar qoftë
Mbretnia e atit e t’birit e shpirtit të shenjtë
Çka keni ra në mendime

Skelete me koka guri
Burra e gra bashkë
Të zhveshur cullak

Ku e keni mishin
për asht

Ku e keni shpirtin
me dashtë

Pse nuk më ktheni përgjigje

Lutje
deri në klithje

E bekuar qoftë
Mbretnia e Atit e t’birit e shpirtit të shenjtë

Çka keni ra në mendime.

 

Lajme të sponsorizuara

Të fundit
Në Kosovë sot do të ketë kushte për reshje lokale…