Dhe lëvizja e pazakontë për të shpallur publikisht pozicionin e një nëndetëseje bërthamore është parë nga disa komentues si një mesazh për Iranin.

Lajmi vjen në ditën kur forcat ajrore të Izraelit kanë thënë se kanë goditur 450 objektiva brenda Gazës, duke vrarë një komandant të lartë të Hamasit.

“Gjatë ditës së fundit, aeroplanët luftarakë të Forcave Ajrore sulmuan rreth 450 objektiva të organizatës terroriste Hamas, duke përfshirë komplekse ushtarake, poste vëzhgimi, pozicione kundërajrore dhe më shumë”, thuhet në një deklaratë nga IAF, shkruan të hënën Sky News, përcjell Telegrafi.

Forcat detare sulmuan gjithashtu selitë, pozicionet e lëshimit të raketave antitank dhe pika të tjera vëzhgimi që Izraeli pretendon se i përkisnin Hamasit.

“Aeroplanët luftarakë të forcave ajrore… eliminuan komandantë të Hamasit, përfshirë Jamal Musa, i cili është përgjegjës për sigurinë speciale”.

Deklarata tha gjithashtu se forcat e Forcave të Mbrojtjes të Izraelit (IDF) morën kontrollin e një pike të Hamasit brenda Gazës, që përmbante poste vëzhgimi, objekte stërvitore dhe tunele.