Ministrja e Punëve të Jashtme dhe Diasporës, Meliza Haradinaj-Stublla dhe ajo e Kulturës, Rinisë dhe Sportit, Vlora Dumoshi, kanë nënshkruar memorandum të bashkëpunimit për atashetë kulturorë.

Haradinaj-Stublla ka thënë se me anë të këtij memorandumi do të ngritet shkalla e shërbimit për ngritje të nivelit të diplomacisë në nivel kulturor.

Ndërsa ministrja Dumoshi është shprehur se me emërimin e atasheve kulturorë, kultura e vendit do të përçohet në të gjitha vendet përmes formave të ndryshme. Emërimi atashetë kulturorë do të fillojë në vitin 2021.