Nisma Socialdemokrate pro ratifikimit të marrëveshjes së demarkacionit me Malin e Zi

21 shkurt 18:55

Nisma Socialdemokrate ka mbajtur mbledhjen e radhës së Kryesisë, në të cilën është biseduar për zhvillimet aktuale politike në vend, veçanërisht për marrëveshjen e demarkacionit me Malin e Zi.

Kryetari i kësaj partie, Fatmir Limaj, ka thënë se është momenti i fundit për t’i dhënë epilog demarkacionit me Malin e Zi përmes votimit të saj në Kuvend.

Kryesia Qendrore e Nismës Socialdemokrate i dha përkrahje kësaj iniciative duke marrë vendim për të votuar pro ratifikimit të marrëveshjes në seancën e së enjtes.

Nisma Socialdemokrate ka kërkuar nga të gjithë deputetët e Kuvendit të Republikës së Kosovës të votojnë pro, në mënyrë që të ratifikohet ky projektligj, i cili është në interes të vendit dhe qytetarëve.

Lajme të sponsorizuara

Të fundit
Mesfushori Toni Kroos nuk duhet të ishte lejuar të largohej…