Njëmbëdhjetë alpinistë vdesin nga vërshimet në jug të Italisë

21 gusht 2018 | 13:34

Të paktën 11 alpinistë kanë vdekur dhe disa të tjerë janë zhdukur si pasojë e vërshimeve në jug të Italisë.

Ata kanë vdekur pasi shiu i pandërprerë ka mbushur me ujë një grykë, e cila ka rrëmbyer turistët në rajonin e Kalabrisë.

Tetëmbëdhjetë persona tjerë janë shpëtuar, duke përfshirë një djalosh 10 vjeçar, ka njoftuar udhëheqësi rajonal për mbrojtje civile, Carlo Tansi.

Gjashtë persona tjerë janë dërguar në spital.

Zyrtarët lokalë kanë thënë se numri i saktë i personave të zhdukur ende nuk është bërë i qartë.

Tansi, u ka thënë gazetarëve se uji ka bartur aplinistët në luginë të një lumi në gjatësi prej 3 kilometrash.

“Gryka Raganello është e ngushtë dhe e gjatë, mund të mbushet me ujë në rreth 1 kilometër lartësi”, ka thënë ai, raporton “Rel”.

Sipas tij, po kjo grykë është mbushur me ujë për një periudhë të shkurtër kohore”.

Ende nuk janë bërë të ditura kombësitë e alpinistëve, ndonëse gazeta “Corriere della Sera”, ka  shkruar se një nga të plagosurit është holandez.

Lajme të sponsorizuara

Të fundit
Yjet e popit Bebe Rexha dhe Rita Ora kanë shkëmbyer…