Numri i lindjeve në ShBA bie në nivelin më të ulët prej vitit 1986

16 maj 12:48

Numri i lindjeve në Shtetet e Bashkuara të Amerikës (ShBA) ka shënuar vitin e kaluar shifrën më të ulët në më shumë se tri dekada, kanë treguar statistikat qeveritare.

Qendra për Kontrollin dhe Parandalimin e Sëmundjeve ka njoftuar më 15 maj se më 2018 janë realizuar, 3 788 235 lindje në këtë shtet, apo 2 për qind më pak se më 2017.

Ky ka qenë viti i katërt me rend që shifrat e lindjeve kanë rënë në pikën më të ulët prej vitit 1986.

Kjo qendër ka thënë se numri i lindjeve ka nisur të shënojë rënie 11 vjet më parë.

Është raportuar se edhe shkalla e fertilitetit ka rënë për 2 për qind, që i bie 1.7 lindje për një grua më 2018.

Ekspertët kanë thënë se numri i lindjeve duhet të arrijë në normën prej 2.1 për një grua, në mënyrë që popullsia të zëvendësohet pa imigrim.

Eksperti për demografi nga Instituti Brookings, William Frey, ka thënë për agjencinë e lajmeve, “AFP”, se kjo ulje është rezultat i krizës ekonomike që ka nisur më 2008.

Megjithatë, shkalla e lindjeve në Shtetet e Bashkuara është më e lartë sesa në Japoni, Itali dhe Gjermani, derisa është më e ulët në krahasim me Francën.

Lajme të sponsorizuara