Nura e Lushtaku vizitojnë Stacionin Policor të Skenderajt

08 nëntor 2022 | 13:41

Kryetari i Komunës së Skenderajt, Fadil Nura dhe nënkryetari Sami Lushtaku, kanë vizituar Stacionin Policor në këtë komunë, ku janë pritur nga komandanti Muhamet Kajtazi dhe stafi i tij policor.

Në takim është diskutuar për situatën e përgjithshme të sigurisë brenda territorit të komunës përfshirë fshatrat Bajë e Syriganë, e cila u vlerësua e qetë.

Kryetari Nura ka ripërsëritur gatishmërinë për të ofruar në çdo kohë bashkëpunimin me Policinë e Kosovës, në të mirë të interesit të qytetarëve dhe në funksion të sigurisë publike.

Ky takim vjen si rezultat i zhvillimeve të fundit në veriun e Kosovës, ku përfaqësuesit e institucioneve të Kosovës nga komuniteti serb dhanë dorëheqje nga përgjegjësia institucionale dhe organet shtetërore, në shenjë pakënaqësie për mosrealizimin e kërkesave nga ana e Qeverisë së Kosovës.

Lajme të sponsorizuara

Të fundit
Gani Sejdiu është emëruar trajneri i Phoenixit. Klubi nga Banja…