Nurmagomedov refuzon 100 milionë dollarë për duelin e revanshit ndaj McGregorit

06 shkurt 2020 | 17:05

Khabib Nurmagomedov nuk shfaq interesim për një tjetër ndeshje me Conor McGregor nga e cila do të përfitonte shumë para. Luftëtari i lindur në Dagestan e ofendoi rëndë rivalin e tij irlandez, kur presidenti i UFC-së, Dana White, i propozoi plot 100 milionë dollarë për duelin e revanshit: “Më jepni 100 milionë dollarë për ta rrahur përsëri atë idiot?! Unë nuk mendoj se është e arsyeshme”.

Nurmagomedov nuk është i motivuar nga paratë, duke thënë se nëse UFC ishte e gatshme t’i paguante atij këtë shumë, do të ishte më mirë që ta jepnin për bamirësi.

“Jam i habitur që njerëzit më kërkojnë të përballem me të. I bëra çfarë desha, madje e detyrova që të dorëzohej. Si mund të flitet përsëri për një ndeshje tjetër? Të gjithë e panë se çfarë ndodhi në oktagon (kundër McGregorit). E kontrollova luftimin në çdo hap. Tani po flasim për vazhdimin e festës dhe si të fitojmë sa më shumë para”.

I pyetur nga gazetarët se si mund të hiqte dorë nga 100 milionë dollarë, Nurmagomedov u përgjigj: “Nuk kam nevojë për ato para”. Luftëtari i frikshëm dhe i pamposhtur nga Dagestani po përgatitet ta mbrojë titullin kundër Tony Fergusonit më 18 prill, në UFC 249. “Kam një luftë më 18 prill. Një luftë shumë të fortë. Për një muaj e gjysmë jam stërvitur ditë e natë. Ndihem në formë shumë të mirë”.

 

Lajme të sponsorizuara

Të fundit
Kryetarja e Kuvendit të Kosovës, Vjosa Osmani, ka publikuar një…