OSBE-ja i dhuron policisë mjete të specializuara të ndihmës së parë

06 shkurt 2018 | 18:18

Misioni i OSBE-së në Kosovë i ka dhuruar Policisë së Kosovës 30 çanta me mjete të specializuara të ndihmës së parë.

Këto mjete do të përdorën nga Njësia për Operacione Speciale dhe ajo për Reagim të Shpejtë e Policisë së Kosovës.

Sipas OSBE-së, çantat përmbajnë mjete të cilësisë së lartë dhe do të shfrytëzohen nga njësitë për t’u dhënë ndihmën e parë policëve të lënduar në detyrë.

Ambasadori i OSEB-së në Kosovë, Jan Braathu, ka thënë se njësitë speciale dhe ato të reagimit të shpejtë janë të ekspozuara ndaj rrezikut.

“Puna e policisë është e vështirë dhe herë pas here edhe e rrezikshme, prandaj është shumë e rëndësishme që ata që i ekspozohen një rreziku të tillë ta dinë që e kanë përkrahjen dhe mjetet e nevojshme për ta kryer punën në mënyrën më të mirë të mundshme”, ka thënë Braathu gjatë ceremonisë së dorëzim-pranimit të këtyre mjeteve.

Ndërsa nënkolonel Neshat Flugaj, drejtor i Divizionit të Njësive Speciale të Policisë, ka thënë se ky donacion është një hap para në drejtim të përmirësimit të sigurisë së policëve.

Misioni i OSBE-së ka dhuruar edhe 2 mijë karta informative të sigurisë, të cilat mund t’ju shpërndahen gazetarëve, përfaqësuesve të shoqërisë civile dhe organeve mbikëqyrëse të policisë të pranishëm në tubime publike.

Lajme të sponsorizuara

Të fundit
Ministri i Ministrisë së Inovacionit dhe Ndërmarrësisë, Besim Beqaj, gjatë…