Kryetarja e Kuvendit të Kosovës, Vjosa Osmani, ka përkujtuar Betejën e Koshares. Ajo ka thënë se kjo betejë ka krijuar datë historike për brezat që do të vijnë.

“Beteja e Koshares nuk është thjeshtë një kapitull i luftës në Kosovë, por ka krijuar një datë historike për brezat që vijnë, për t’u shndërruar në rrëfimin më autentik të përpjekjes heroike për lirinë e vendit. Rënia e 114 heronjve në krye me strategët Agim Ramadani e Sali Çekaj, 21 vjet më parë ishte kumt për lirinë e Kosovës. Heroizmi i tyre ishte triumf i gjithë popullit të Kosovës! Përulje dhe respekt për të gjitha ata që ranë për lirinë e vendit!”, ka shkruar Osmani në llogarinë e vet në “Facebook”.