Osmani e pret në takim Abdixhikun, e falendëron për rolin konstruktiv të LDK-së në formimin e institucioneve
Presidentja Vjosa Osmani ka pritur të hënën në takim kryetarin e LDK-së, Lumir Abdixhiku, të cilin e ka falënderuar për rolin konstruktiv që LDK-ja ka luajtur gjatë procesit të përmbylljes së formimit të institucioneve pas zgjedhjeve të 14 shkurtit.
“Partitë opozitare kanë rol kyç në proceset e rëndësisë së veçantë për vendin. Prandaj, sot prita në takim kryetarin e Lidhjes Demokratike të Kosovës, Lumir Abdixhikun. E përgëzova atë për rolin konstruktiv që LDK luajti gjatë procesit të përmbylljes së formimit të institucioneve pas zgjedhjeve të 14 shkurtit”.
“Sigurova z. Abdixhiku që institucioni i Presidencës do të jetë çdoherë në shërbim të forcimit të bashkëpunimit dhe dialogut mes partive politike, me theks të veçantë për temat e interesit kombëtar. Në këtë drejtim, mirëpres kontributin e të gjitha partive politike opozitare për çështjet që lidhen me interesin shtetëror dhe mirëqenien e qytetarëve”, ka shkruar Osmani në llogarinë e saj në “Facebook”.
Osmani ka tregusr se me Abdixhikun u pajtuam që të vazhdojnë diskutimet për temat që kërkojnë konsensus të gjerë politik dhe shoqëror.