Presidentja e Kosovës, Vjosa Osmani, ka pritur të mërkurën në takim ministrin e Mbrojtjes, Ejup Maqedonci dhe komandantin e FSK-së, gjenerallejtënant Bashkim Jashari, të cilët i ka përgëzuar për punën e tyre.

Osmani ka thënë se Ushtria e Kosovës po fuqizohet dita-ditës.

“Ushtria e Kosovës po fuqizohet dita-ditës, si partnere e besueshme e ushtrive aleate në NATO. Sot përgëzova ministrin e Mbrojtjes, Ejup Maqedonci dhe komandantin e FSK-së, gjenerallejtënant Bashkim Jashari për angazhimin e institucioneve tona të mbrojtjes në misionin e shenjtë që kanë”, ka shkruar Osmani në “Facebook”.