Pacolli: Serbia po e shkatërron bashkëpunimin rajonal

08 korrik 20:06

Ministri i Punëve të Jashtme, Behgjet Pacolli, ka thënë se Kosova dhe Shqipëria në frymën e integrimit evropian po forcojnë dhe thellojnë bashkëpunimin strategjik.

Pacolli ka thënë  se Serbia apo ndonjë palë tjetër nuk duhet të shqetësohen kur dy fqinj kanë bashkëpunim të fortë dhe të ngushtë, por kur një fqinj e afron politikën e saj të jashtme me aktorët e tretë që nuk kanë vend në rajonin tonë.

Postimi i plotë i Pacollit në “Facebook”:

Kosova dhe Shqipëria në frymën e integrimit evropian po forcojnë dhe thellojnë bashkëpunimin strategjik midis Ministrive të Punëve të Jashtme dhe koordinimin e thelluar të politikës së jashtme. Ne po bëjmë të njëjtën gjë si vendet nordike dhe ato të Beneluksit, asgjë më shumë dhe asgjë më pak. Serbia apo ndonjë palë tjetër nuk duhet të shqetësohen kur dy fqinjë kanë bashkëpunim të fortë dhe të ngushtë, por kur një fqinj e afron politikën e saj të jashtme me aktorët e tretë që nuk kanë vend në rajonin tonë.

Ata duhet të shqetësohen për sjelljen e tyre për të shkatërruar bashkëpunimin rajonal dhe për të ndërhyrë në çështjet e brendshme të vendeve fqinje, e jo prej Kosovës dhe Shqipërisë qe janë shtyllat e frymes Euro-Atlantike në rajon.

Lajme të sponsorizuara

Të fundit
102 vota ishin pro raportit të Komisionit të Ligjeve për…