Dy familje të cilat ishin të hasmëruara nga Hajvalia e Prishtinës janë pajtuar mes vete me angazhimin e hoxhës nga Mitrovica, Fatmir Latifaj, imamit të xhamisë në këtë vend, Xheladin Fazliu dhe miqtë e tyre.

Lajmin e ka bërë të ditur vet Hoxha Fatmir Latifi, nëpërmjet një videoje të shpërndarë në rrjetet sociale.

“Gjendemi në Hajvali. Me emrin e Allahut dhe ndihmën e Allahut së bashku me shokët e mi, mulla Qemajlin dhe mulla Xhelën imamin e Xhamisë së Hajvalisë, në krahun tim të djathtë Naim Topalli nga fshati Baincë e Drenasit, dhe mulla Nexhat Tërnavën, kemi arritur me ndihmën e Allahut t’i pajtojmë dy familje të hasmëruar”.

“U fal gjaku i babës dhe i djalit për hatër të Allahut. Për shkak të ndjeshmërisë së rastit nuk do të japim adresa dhe emra, por i lutemi Allahut që t’i shpërblejë dhe të vdekurit Allahu Dhulxhelal t’i rehatojë në xhenet”, ka thënë Latifaj.