Në momentin që Khloe Kardashian vendosi që të prezantonte për herë të parë djalin në televizion, Tristan Thompson është fotografuar duke lënë një festë me modelen e faqes për të rritur, Juanita JCV.

Mediat e huaja shkruajnë se edhe pse basketbollisti dhe modelja e “OnlyFans” nuk shkuan bashkë në festën e koncertit të Jack Harlow në The Nice Guy në West Hollywood, dyshja u larguan me të njëjtin automjet.

Nga fotografitë e realizuara nga paparacët, Juanita mund të shihet në pjesën e pasme të SUV të lojtarit të NBA-së, Maybach.

Dalja e Thompson vjen dy muaj pasi sulmuesi u pa duke u mbajtur për dore me një grua misterioze teksa po pushonte në Evropë.

Kardashian, me sa duket e aprovoi sërish daljen e ish-të dashurit të saj jashtë shtetit në atë kohë, duke “pëlqyer” një postim tregues në “Instagram”.

“Për të gjithë ata që janë të shqetësuar për këtë video të Tristanit në Greqi me një vajzë tjetër, Khloe dhe Tristan janë të dy beqarë dhe sipas deklaratës nga përfaqësuesi i Khloe, ata nuk kanë folur që nga dhjetori përveçse janë bashkëprindër. Nuk e di pse do të ishte çmenduri që Tristan të ishte me një vajzë tjetër për sa kohë që ai është një baba i mirë për fëmijën e tij”,  shkruante postimi i pëlqyer nga Khloe në atë kohë.

Thompson dhe ylli i reality-showt filluan të takoheshin në vitin 2016 dhe u ndanë disa herë për shkak të skandaleve të tij të tradhtisë.

Në dhjetor 2021, u publikua lajmi se Thompson kishte një fëmijë me modelen e fitnesit Maralee Nichols ndërsa ishte në një lidhje me Kardashian.

Ish-çifti, të cilët kanë edhe një vajzë 4-vjeçare True, mirëpritën djalin e tyre në korrik. Ardhja e tij u dokumentua në premierën e sezonit 2 të shfaqjes Hulu të së enjtes. Megjithëse Thompson nuk ishte i pranishëm në lindjen e foshnjës, Kardashian e lejoi atë t’i vizitonte në spital.