Papua Guinea e Re zgjedh kryeministrin e ri, pas trazirave politike

30 maj 17:44

Papua Guinea e Re më në fund ka kryeministrin e ri, pas trazirave politike disa javore.

Ligjvënësit votuan me shumicë dërrmuese për të zgjedhur James Marape, një ish-ministër i financave, i cili dha dorëheqjen në prill pas protestave kundër projektit të gazit.

Emërimi i Marape vjen pasi Peter O`Neill dha dorëheqjen të mërkurën.

O’Neill u përball me thirrjet për dorëheqjen e tij për disa javë dhe në fund u dorëzua.

Udhëheqja e ish-kryeministrit u vu nën presion nga një seri defektesh politike gjatë ditëve të fundit, dhe tensionet mbi një projekt gazi miliarda dollarësh të nënshruar gjatë këtij viti me kompaninë franceze Total dhe firmën amerikane “ExxonMobil”.

Projekti pothuajse do të dyfishojë eksportet e gazit të PNG, por komunitetet lokale kanë frikë se do të përjashtohen nga përfitimet.

Papua Guinea e Re, një vend i Paqësorit Jugor prej 7.3 milion banorësh, ka rezerva të pasura të bakri, ari dhe nafte, por zhvillimi është penguar nga çështjet e rendit publik, terreni i thyer dhe mosmarrëveshjet pronësore.

Lajme të sponsorizuara

Të fundit
Nga Mehmet PRISHTINA, Phd.Kandidat, Universiteti i Vjenës Kosova aktualisht ka…