Pas kthimit nga Haga, Konjufca tregon për gjendjen e drejtuesve të UÇK-së

21 qershor 11:52

Kryetari i Kuvendit të Kosovës, Glauk Konjufca, pas vizitës në Hagë, ka treguar për gjendjen e drejtuesve të UÇK-së të cilët janë duke u mbajtur në qendrën e paraburgimit në Gjykatën Speciale.

Konjufca ka thënë se të gjithë ishin mirë me shëndet, të fortë dhe me vullnet.

“Të gjithë i pashë. Janë mirë me shëndet, të fortë, me vullnet dhe shumë të qëndrueshëm. Shqetësimi i tyre është që pretendohet për disa shkelje që po bëhen edhe nëpër procedura për të cilat absolutisht nuk po ka kurrfarë mekanizmi të ankesës dhe i cili i shqyrton. Kjo gjykatë nuk është në kontrollin e askujt”, ka thënë Konjufca në një deklaratë për medie.

Më tutje, Konjufca ka thënë se Gjykata Speciale nuk i është dukur fare e Kosovës.

“Ata janë të pakënaqur siç është krejt populli i Kosovës sepse aktakuza lë hapësirë për inkriminimin e UÇK-së si të tillë”.

“Ajo gjykatë është aq e varur sa nuk m’u duk fare e Kosovës që është”, është shprehur Konjufca.

Konjufca për dy ditë me radhë është takuar në Hagë me Hashim Thaçin, Kadri Veselin, Rexhep Selimin, Jakup Krasniqin, etj.

Lajme të sponsorizuara

Të fundit
Këshilli Evropian ka bërë publike agjendën e takimit të 23…