Xiao-Tong Su, një studiuese që hulumton hipertensionin në Universitetin e Shëndetit dhe Shkencës së Oregonit (OHSU) i kërkon falje kavjeve të laboratorit kur i vret. “Mundohem të mendoj se ata po sakrifikohen për shëndetin e njeriut dhe për shkencën,” thotë ajo.

“Asnjëherë nuk bëhet më e lehtë,” tha Sayra Garcia, një student i vitit të dytë të doktoratës në Kolegjin e Mjekësisë Albert Einstein.

Në botën e kërkimeve mjekësore, eutanazia e miut është domosdoshmëri. Sapo eksperiment të jetë i plotë, kavjet zakonisht eleminohen pasi nuk mund të përdoren më. Disa universitete përpiqen të përdorin për eksperimente sa më pak minj të tillë që të jetë e mundur, dhe tentojnë sa herë që ekziston mundësia, ta përdorin një kavje për më shumë se një studim.

Por duke filluar nga muaji mars, institucionet në të gjithë vendin u detyruan papritmas të ndalojnë shumicën e hulumtimeve që nuk lidhen me Covid-19, të cilat u vlerësuan si jo-thelbësore. Dhe ndërsa studiuesit, menaxherët e laboratorëve dhe teknikët e kujdesit për kafshët ishin të përgatitur për të punuar nga shtëpia, burimet për të mbështetur kolonitë e kavjeve u zvogëluan. Si rezultat, drejtorët e laboratorëve në kolegje të ndryshme, universitete dhe shkolla mjekësore morën urdhra që të reduktonin me shpejtësi popullsinë e këtyre kafshëve.

“Kjo solli një vëllim të lartë i aktivitetit brenda një jave sa i përket eutanazisë,” më tha Eric Hutchinson, drejtor i burimeve kërkimore të kafshëve në Institutin Johns Hopkins. Procedura bëhet me dioksid karboni, të pasuar nga dislokimi i fytit për tu siguruar se kafsha ka ngordhur. “ Nuk më pëlqen ta bëj asnormalisht, llogaris tani që m`u desh të vrisja 150 kafshë”, tha Hutchinson.

Impakti që i reduktimit të kavieve ka prekur gjithashtu studimet shkencore, jo Covid. “Unë shoh shumë sëmundje infektive të rëndësishme, si pneumonia bakteriale dhe tuberkulozi për të cilat ose nuk kemi shërime, ose jemi në rrezik të kemi kaq shumë rezistencë ndaj antitrupave,” tha një studiues tjetër, laboratori i të cilit aktualisht po funksionon me kapacitet 20%.

Humbja e 75% të popullsisë së miut (kavie) do të thotë që laboratori i saj tani po kryen eksperimente duke përdorur kulturat e qelizave ndërsa ata presin që mbarështuesit të ripopullojnë koloninë. Kjo mund të rezultojë në një vonesë gjashtë muaj deri në një vit në trajtimet thelbësore.

Karen L Bales, e cila përdor kafshët laboratorike në hulumtimin e saj mbi autizmin dhe skizofreninë, i tha The Chronicle of Education Higher se, si rezultat i mbylljeve të laboratorëve dhe grumbullimit të kafshëve, kërkimet Biomjekësore Amerikane mund të vuanin një handikap dyvjeçar.

Tani, disa laboratorë po rihapen, megjithëse rritjet e fundit të shkallës së infeksionit të Covid-19 ikërcënon t’i mbyllin përsëri. Shumica po funksionojnë me një kapacitet të kufizuar, ndërsa përpiqen të rindërtojnë kolonitë dhe të rifillojnë eksperimentet. Por, ndërsa studiuesit paraqesin urdhra për kafshët dhe rritin mbarështimin, grantet po mbarojnë dhe koha në laborator është e kufizuar.

Përkundër të gjitha, studiuesit mbeten shpresëdhënëse në mungesë të sigurisë. E pyeta Garcian për hapat e saj të rradhës në rrugën e diplomimit. “Epo,” tha ajo, duke ngritur shpatullat përmes ekranit të kompjuterit, “Unë mendoj se do të kryqëzoj gishtat”. /Marrë nga The Gurdian