PDK-ja kërkon konsensus për demarkacionin, vlerëson angazhimin e partive politike

22 shkurt 22:40

Partia Demokratike e Kosovës (PDK) përmes një komunikate për medie ka bërë me dije se e vlerëson lartë angazhimin e partive politike për ta gjetur një zgjidhje për demarkacionin.

“Partia Demokratike e Kosovës vlerëson lart angazhimin e partive politike parlamentare për arritjen e konsensusit nacional për ratifikimin e Marrëveshjes për Shënimin e Kufirit mes Kosovës dhe Malit të Zi. Arritja e konsensusit, për të cilin sot kishte përpjekje, është e domosdoshme dhe duhet të ndodhë”, është thënë në komunikatën e PDK-së.

Sipas kësaj komunikate, PDK-ja ka shprehur gatitshmërinë që edhe në seancën e së premtes të angazhohet që të arrihet konsensus për ratifikimin e demarkacionit me Malin e Zi.

“PDK-ja shpreh bindjen e plotë se subjektet politike janë shumë afër arritjes së unitetit ndërpartiak që Marrëveshja për Shënimin e Kufirit mes Kosovës dhe Malit të Zi të ratifikohet sa më shpejt. PDK do të angazhohet edhe nesër që të arrihet ky konsensus. PDK falënderon përfaqësuesit e subjekteve të tjera politike parlamentare për dialogun konstruktiv lidhur me gjetjen e zgjidhjes për çështjen kryesore në raport me liberalizimin e vizave për të gjithë qytetarët tonë”, ka përfunduar komunikata e PDK-së.

Lajme të sponsorizuara

Të fundit
Ish-presidentja e Kosovës, Atifete Jahjaga foli për herë të parë…