Ish-futbollisti i Përfaqësues së Kosovës, Enis Alushi i ka dhënë fund përfundimisht karrierës si futbollist.

33-vjeçari tash e tutje do t’i përkushtohet punës së re, asaj të menaxherit të futbollistëve. Lajmin për pensionimin e Alushit e ka bërë bashkëshortja e tij, Fatmire Lira Alushi, përmes rrjetit social “Instagram”.

“Pas 15 vjetësh në futbollin profesionist, ti tash do ta nisësh një rrugë të re si menaxher i futbollistëve në agjenci të njohur. Do t’i mbetesh besnik futbollit sepse e do atë shumë. Ariani, Ela dhe unë jemi mjaft krenar me ty. Gjithmonë ke bërë gjithçka për ne. Të urojmë çdo të mirë i dashur. Edhe pse është ndonjëherë e mërzitshme që duhet të jesh në telefon për shumë kohë, ne do të të mbështesim gjithmonë. Faleminderit që më bën të lumtur”, ka shkruar ish-futbollistja e njohur shqiptare, Fatmire Lira Alushi.