Në një kohë kur rastet me  variantin e ri Omicron i Covidit janë në rritje, presidenti amerikan, Joe Biden, po përgatitet të shpallë masa të rrepta, për të frenuar përhapjen e virusit në prag të festave të fundvitit.

“Presidenti do t’i shpallë të martën masat e reja qeverisë për të ndihmuar shtetet që kanë nevojë për ndihmë. Joe Biden pritet të marrë masa shtesë, duke paralajmëruar masa kufizuese për qytetarët që kanë zgjedhur të mos vaksinohen kundër Covid-19. Masat e reja vijnë mes rasteve në rritje të Covid-19 dhe thirrjeve nga zyrtarët federalë të shëndetësisë për tu vaksinuar të gjithë ata që nuk janë vaksinuar tashmë”, ka thënë një zyrtar i Shtëpisë së Bardhë për “NBC News”.