Përparim Rama: Jemi duke punuar fort për lirimin e trafikut
24 prill 2022
| 15:30
Kryetari i Komunës së Prishtinës, Përparim Rama është shfaqur me biçikletë së bashku me disa pjesëtarë të grupit “Meraki T’Biciklave”, pas xhiros së bërë rreth e qark “Unazës” në kryeqytet.
Pas kritikave të shumta që ka marrë nga qytetarët për testin që po e bënë në kryeqytet, Rama ka thënë se po punojnë për ta liruar trafikun. Në këtë kontekst, Rama u ka bërë thirrje qytetarëve që të përdorin mjete tjera të transportit, jo vetëm automjetet.
“Jemi duke punuar fort për lirimin e trafikut në kryeqytet, andaj i inkurajoj qytetarët të fillojnë të përdorin transportin alternativ për të mirën e ambientit dhe shëndetit të të gjithëve”, ka shkruar Rama në llogarinë e vet në “Facebook”.