Pete Davidson shihet pa disponim në Australi pas ndarjes nga Kim Kardashian

10 gusht 14:46

Pete Davidson dukej i dëshpëruar teksa u pa duke bërë blerje të dielën, pas ndarjes së tij me Kim Kardashianin.

Humoristi 28 vjeçar, u fotografua duke vizituar një dyqan “Target” në Cairns Central Mall në Cairns, Australi, pasi doli nga hoteli i tij, shkruan DailyMail.

Pete, i cili aktualisht ndodhet në Australi për xhirimet e filmit “Wizards”, kishte veshur një palë tuta të zezë dhe një kapele të zezë bejsbolli teksa vizitonte qendrën tregtare.

Ish-ylli i ‘Saturday Night Live’ i mbajti sytë e tij të mbrojtur nga dielli me një palë syze dielli reflektuese. Ai zgjodhi një xhup monokromatik dhe veshi një palë pantallona të zeza së bashku me një kapuç të trashë dhe të zi.

Ai kishte veshur një këmishë blu të çelur, e cila kulmonte poshtë, dhe kishte mbathur një palë atlete të zeza për të qëndruar rehat gjatë daljes së tij të shkurtër.

Kjo paraqitje e tij vjen pasi Kim, 41 vjeçe, dhe Pete, 28 vjeç, i dhanë fund lidhjes së tyre ndërsa ai punon në një projekt afatgjatë në Australi.

Një burim i afërt me Pete tha për DailyMail: “Ndarja e tyre ishte krejtësisht miqësore. Ata kaluan shumë mirë gjatë kohës që zgjati, por distanca të gjata dhe prioritetet e ndryshme panë që ajo të mbaronte”.

Davidson u pa i afërt me kolegët e tij këtë të premte – në të njëjtën ditë që ai dhe Kim u ndanë. Në pamjet e siguruara ekskluzivisht nga DailyMail, Pete u pa duke luajtur basketboll me ekipin e filmit “Wizards” në studion e tyre australiane.

Përkundër faktit se ai ishte ndarë nga e dashura e tij po atë ditë, një burim i brendshëm i produksionit vuri në dukje se Pete ‘dukej i relaksuar, sikur të mos kishte ndodhur gjë në botë’.

Ish-çifti, u lidhën për herë të parë në tetor të vitit të kaluar, ku u njohën gjatë emisionit ‘Saturday Night Live’.

Pete ka kaluar muaj duke xhiruar filmin e tij të ardhshëm “Wizards” në Australi, ku Kim e vizitoi atë vetëm një herë në korrik.

Lajme të sponsorizuara

Të fundit
Në Shërbimin Spitalor Klinik dhe Universitar të Kosovës po trajtohen…