Policia e Kosovës ka dhënë detaje për rastin e gjuajtjes me armë në Mitrovicë.

Zëdhënësi i Policisë së Kosovës për rajonin e Mitrovicës, Avni Zahiti ka thënë për  “lajmi.net”, se ka pasur gjuajtje me armë nga të cilat një person ka mbetur i plagosur.

Ai ka thënë se i plagosuri është duke u trajtuar në spital.

“Informacionet janë se është raportuar për një person të plagosur nga arma e zjarrit. Ai është dërguar në spital. Aktualisht Policia janë në vendin e ngjarjes”, ka thënë Zahiti.