HESHT

Kur sheh se si ujërat e turbullta

Të vijnë vërdallë

Hesht…

Dhe ne heshtje mbyti

Qelizat tua që protestojnë dhunshëm

Por…

Mos harro kurrë të e kujtosh

Atë që zbukuron botën tënde

Hienat e kësaj kohe kopile

Le te përsiatin përreth

Pa pasur mundësi të e thyejnë

Pasqyrën e mozaikut shumëngjyrësh

Që ndërton ti!

KAM RA N’DASHNI

Kam ra n’dashni

Në sytë e yjeve net’ve pa re

N’tërbimin e val’ve kur protestojnë

Detnave t’shpirtit

Agimin gojëhapun kur zgjohet

N’epitaf àndrrash t’djeguna.

Kam ra n’dashni

N’kujtimin tánd

Që n’beb’za t’mija

Shtrehêt me flejt’

Psheretimat e djersituna t’kohës

Nuk e qojnë dot nga àndrra.

Kam ra n’dashni

Në thijat e jetës kur dehen

Mbramjeve t’venituna nga vesa

Kam ra n’dashni

N’dushkun e vjeshtës ku shtrehet

Lazdruem jeta jeme…