KA DIÇKA MES NESH DHE DIELLIT…

Ah bacë o bacë…

Kur e lëshuam shtëpinë

Rruga nuk kishte të sosur

As korbat mbi krye

Korbat që kërkonin sy

Ec e ec

E thuaj shpirtit dil

Liria nuk flinte breg rruge

As nuk vinte

Pa e paguar me kokë

Askush nuk e dinte

Qysh binte nata mbi Bllacë

Përmbi aty sy gacë

Gaca në sy e gjithë rruga gacë

Sa shpejt e harruam

Ah Bacë… o Bacë…

KËNGË ZIE PËR BABËN

Agun e merrte lulak pas shpine

Deri krye are

Dhimbjes nuk ia çelte grykën

Për gjoksi e kapte mërzia

Ec e bëji zap të gjitha

Ec e mbyti çykë shati

Pështynte gjak

Pas erës së bukës i ngrati

E prekte koshin dhe dilte pa le dielli

Veç kur qeshte ai

Se si hapej qielli

E thoshte

Vetëm në mulli

Gjëmën e zorrëve

Nuk e kam ndie