Policia në Ferizaj ka njoftuar se ka ndëshkuar pesë shoferë për kundërvajtje të rënda në trafik.

“Më 17.10.2025, në rrugën ‘Rexhep Bislimi’, një shofer (21 vjeç) u kap duke lëvizur me 117 km/h në zonën me kufizim 40 km/h dhe pasi nuk iu bind urdhrit të policisë për ndalje, me datën 22.10.2025 u ndëshkua me 800 euro gjobë. Më 23.10.2025, në rrugën ‘Brahim Ademi’, një shofer (22 vjeç) u kap me 143 km/h në zonën me kufizim 50 km/h. Ndaj tij u shqiptua 400 euro gjobë, 4 pikë negative dhe ndalim drejtimi për 9 muaj. Po atë ditë, në fshatin Babush, një shofer (40 vjeç) u ndal pasi po lëvizte me shpejtësi 161 km/h dhe rezultoi me 0.85 promila alkool . U ndëshkua me 500 euro gjobë, 5 pikë negative dhe ndalim patente për 6 muaj. Në Shtime, në rrugën ‘Adem Jashari’, më 21.10.2025, një shofer (23 vjeç ) u kap me shpejtësi 126 km/h në zonën me kufizim 50 km/h dhe u ndëshkua me 300 euro gjobë, 3 pikë negative dhe heqje patente për 3 muaj. Ndërsa më 23.10.2025, në rrugën ‘Tahir Sinani’ në Shtime, një shofere (23 vjeçe) me masë mbrojtëse aktive u ndëshkua me 500 euro, 5 pikë negative, vazhdim të masës edhe për 6 muaj dhe iu sekuestrua  automjeti”, ka njoftuar policia.

Policia Rajonale në Ferizaj ka bërë apel tek të gjithë ngasësit e automjeteve që të respektojnë kufizimet e shpejtësisë dhe shenjat e komunikacionit, pasi shpejtësia e lartë dhe pakujdesia gjatë ngasjes paraqesin rrezik për jetën dhe pronën e qytetarëve.