Politikani serb pretendon se e ‘zuri’ Sveçlën: Me kë u takua ministri i Kurtit në restorantin Hajduçki?
Aleksandër Arsenijeviq, kryetar i partisë “Mbijetesa Serbe”, ka shkruar një status në “Facebook”, në të cilën ka ngritur një pretendim të çuditshëm.
Sipas Arsenijeviqit ministri i Punëve të Brendshme, Xhelal Sveçla, ka realizuar një takim në komunën e Zveçanit, në një restorant me emrin Hajduçki.
Në pretendimet e tij, Arsenijeviq ka thënë se dikush duhet të shpjegojë se përse ka ndodhur ky takim.
“A do të na e shpjegojë dikush se me kë është takuar dje z.Sveçla, ministër i Ministrisë së Brendshme në Qeverinë e Kosovës, në restorantin Hajduçki konak që është në komunën e Zveçanit. Unë dyshoj se me partnerët e tij të koalicionit, po ju?”, ka shkruar ai, transmeton “Nacionale”.
Zyrtarisht ende nuk është arritur të konfirmohet nëse ministri Sveçla ka qëndruar në Zveçan ashtu siç pretendon Arsenijeviq.