Presidenti i Malit të Zi: Po kthehet ideja e ‘Serbisë së Madhe’

08 dhjetor 16:21

Presidenti i Malit të Zi, Millo Gjukanoviq, ka thënë se beson se Serbia është kthyer në politikën e saj të viteve ’90-ta.

Sipas Gjukanoviqit, Serbia është duke rrezikuar sovranitetin e vendeve fqinje me idenë e saj për një “Serbi të re të Madhe”.

“Duke pretenduar mbrojtjen e të drejtave të serbëve të rrezikuar në rajon, Serbia në të vërtetë po e rrezikon sovranitetin e vendeve fqinje dhe duke shpallur në mënyrë të qartë, por në dukje duke kamufluar idenë e saj për një ‘Serbi të Madhe të re’”, ka thënë Gjukanoviqi për agjencinë e lajmeve “Beta”.

Presidenti malazez ka folur edhe për marrëdhëniet e tij me presidentin e Serbisë, Aleksandër Vuçiq. Gjukanoviqi ka thënë se nuk ka asnjë komunikim me Vuçiqin, e as ndonjë marrëdhënie biznesi.

Lajme të sponsorizuara

Të fundit
Kryetari i Aleancës Kosova e Re, Behgjet Pacolli ka njoftuar…