Presidenti Thaçi pritet ta vizitojë Uashingtonin

24 janar 16:00

Presidenti i Republikës së Kosovës, Hashim Thaçi, së shpejti do të udhëtojë drejt Shteteve të Bashkuara të Amerikës.

Një gjë të tillë e ka zbuluar zëvendëspresidenti i “Atlantic Council”, Damon Wilson, në një intervistë për “Zërin e Amerikës” në edicionin e gjuhës serbe.

Wilsoni vizitën e presidentit Thaçi në Uashington e ka përmendur teksa ka folur për zhvillimet e fundit politike në Kosovës dhe pengesat që kanë dalë në krijimin e qeverisë së re.

“E shihni që është e komplikuar, sepse demokracitë janë të komplikuara”, ka thënë Wilsoni.

Megjithatë, ai ka thënë se zgjatja e procesit të krijimit të qeverisë është një gjë e mirë për të dëshmuar demokracinë dhe bashkëpunimin në Kosovë që kanë evoluar shumë shpejtë.

“Kjo është e lavdërueshme”, ka shtuar Wilsoni.

Wilsoni gjithashtu ka përmendur edhe presidentin Thaçi.

“Atje është edhe presidenti Thaçi. Unë mendoj se së shpejti do të vizitojë Uashingtonin”, ka treguar Wilsoni.

Megjithatë nuk ka dhënë detaje të tjera rreth qëllimit të një vizite të tillë dhe zyrtarëve që do të takojë Thaçi në Uashington.

Lajme të sponsorizuara

Të fundit
Është mbajtur përvjetori i lindjes së kolosit Fehmi Agani dhe…