Presidenti Thaçi: S’do të ndalemi deri në zbardhjen e krimeve të forcave serbe

02 maj 11:43

Presidenti i vendit, Hashim Thaçi, ka kujtuar 116 civilët e pafajshëm të vrarë nga forcat serbe në Studime të Vushtrrisë.

Ai përmes një postimi në llogarinë e vet në “Facebook” ka shkruar se institucionet e Kosovës nuk do të ndalen deri sa të dalin para drejtësisë autorët e krimeve.

“Sot i kujtojmë 116 civilë të pafajshëm të vrarë nga forcat serbe para 19 vjetësh në Studime të Vushtrrisë. Si institucione të Republikës së Kosovës, nuk do të ndalim asnjëherë zërin për zbardhjen e krimeve të bëra nga forcat ushtarake dhe policore serbe. Nuk do të ndalemi deri sa të zbardhet fati i personave të pagjetur. Nuk do të ndalemi deri sa të dalin para drejtësisë autorët e krimeve. Lavdi të gjithë atyre që u sakrifikuan për liri!”, ka shkruar presidenti Thaçi.

/Epoka e re/

Lajme të sponsorizuara

Të fundit
Aktori 49-vjeçar është fotografuar teksa po filmonte skena të reja…