Presidentja Osmani: Masakra ndaj familjes Deliu është dëshmi e egërsisë së forcave gjenocidale serbe

26 shtator 2021 | 17:13

Në përvjetorin e 23-të të masakrës në familjen Deliu, në Abri të Epërme të Drenasit, presidentja e vendit, Vjosa Osmani ka thënë se në këtë ditë kujton m dhimbje të gjithë ata fëmijë, pleq e gra të cilët u qëlluan nga afër vetëm pse ishin shqiptarë.

Osmani ka thënë se masakra e familjes Deliu është dëshmi e egërsisë së forcave gjenocidale serbe.

“Sot i kujtojmë me dhimbje të gjithë ata fëmijë, pleq, gra e të rinj, të cilët u qëlluan nga afër vetëm pse ishin shqiptarë. Sot i kujtojmë edhe dëshmorët: Valdet Xhemajli, Vesel Demaku dhe Afrim Hajdari, të cilët ranë dhe janë dëshmi e sakrificës për liri. Masakra ndaj Familjes Deliu është dëshmi e egërsisë së forcave gjenocidale serbe, së cilës ende nuk i ka dhënë përgjigje drejtësia”, ka shkruar ajo në një postim në “Facebook”.

Sipas saj, ekzekutorët duhet të dalin para drejtësisë.

“Planifikuesit dhe ekzekutorët duhet të dalin para drejtësisë si një parakusht që aktet e tilla barbare të mos përsëriten në asnjë cep të botës”, ka thënë Osmani.

Postimi i plotë:

Më 25 shtator 1998, Familja Deliu ishte strehuar në mal, duke kërkuar shpëtimin nga barbaria e forcave gjenocidale të regjimit të Serbisë.

Një ditë më pas, më 26 shtator 1998, 23 anëtarë të familjes Deliu nga mosha 2-vjeçe e deri në moshën 94-vjeç u masakruan po në këtë vend.

Sot i kujtojmë me dhimbje të gjithë ata fëmijë, pleq, gra e të rinj, të cilët u qëlluan nga afër vetëm pse ishin shqiptarë.

Sot i kujtojmë edhe dëshmorët: Valdet Xhemajli, Vesel Demaku dhe Afrim Hajdari, të cilët ranë dhe janë dëshmi e sakrificës për liri.

Masakra ndaj Familjes Deliu është dëshmi e egërsisë së forcave gjenocidale serbe, së cilës ende nuk i ka dhënë përgjigje drejtësia.

Planifikuesit dhe ekzekutorët duhet të dalin para drejtësisë si një parakusht që aktet e tilla barbare të mos përsëriten në asnjë cep të botës.

Paqja ka kuptim vetëm atëherë kur duke kujtuar të kaluarën, adresojmë përgjegjësinë për njerëzit tanë që u vranë. Përpjekja jonë nuk do të ndalojë asnjëherë që ata të cilët e kryen këtë akt mizor, të dalin para drejtësisë. Këtë ua kemi borxh viktimave dhe familjeve të tyre!

Qoftë i përjetshëm kujtimi për martirët dhe dëshmorët e Abrisë!

Lajme të sponsorizuara

Të fundit
Boksieri ukrainas, Oleksandr Usyk ia shkaktoi Anthony Joshuas humbjen e…