Krasniqi: Kam dyshime se Joshua mund të arrijë përsëri në maje
26 shtator 2021
| 17:08
Boksieri ukrainas, Oleksandr Usyk ia shkaktoi Anthony Joshuas humbjen e dytë në karrierë dhe ia mori titujt e botës në kategorinë e rëndë, WBA, WBO, IBF.
Usyk fitoi ndaj britanikut në Londër me vendim unanim të gjyqtarëve. Pas këtij meçi ishte ish-boksieri shqiptar, Luan Krasniqi që dha mendimin e tij rreth duelit. Ai ka thënë se ka dyshimet e tij se Joshua mund të rikthehet në maje sërish.
“Urime për Oleksandr Usyk, ishte një performancë e fortë kundër Anthony Joshua. Nuk e prisja këtë. Por ai kurrë nuk e la Joshuan të vinte për t’u zhvilluar dhe merituar fitoren. I ngazëllyer për të parë se si do të vazhdojnë me të dy tani. Personalisht, kam dyshime se Joshua mund të arrijë përsëri në maje”, ka thënë Krasniqi.