Këngëtarja e njohur, Anna Jenifer, ka folur së fundmi për jetën e saj private dhe profesionale. Ajo ka rrëfyer për fillesat në muzikë, ku ka pasur vështirësi pasi familjen e kishte fanatike.

Madje e ftuar në emisionin “Expuls”, këngëtarja tregoi se është dhunuar nga familja për faktin që merrej me muzikë.

“Me muzikën jam marrë që e vogël, por ka qenë koha shumë e vështirë. Prindërit ishin shumë fanatikë. Mami ka dashur të merrem me muzikë, por babi jo, më nxirrte nga Pallati i Kulturës. Kam ngrënë dhe dru domethënë. Por unë arrita ta realizoja ëndrrën time”, u shpreh Anna Jenifer.