Kryetari i Komunës së Prishtinës, Shpend Ahmeti, ka bërë me dije se projekti i shkallëve në lagjen “Arbëria” po realizohet sipas planit të paraparë.

Ahmeti ka thënë se rreth shkallëve janë shtuar tashmë dhe do të shtohen edhe më tutje sipërfaqet e gjelbra.

“Punimet po bëhen në rreth 300 metra gjatësi, dhe shkallët do të jenë të gjera 2.5 metra. Brenda këtij projekti po punohet edhe për rregullimin e kanalizimit atmosferik, ndriçimit dhe hapësirave përcjellëse për pushim”, ka thënë Ahmeti.

/Epoka e re/