Brenda shtëpisë së “Big Brother VIP” u krijuan tre çifte, për të cilët publiku nisi të aludonte nëse pasi të përfundonte reality show, do të ishin sërish bashkë apo jo.

Një ndër çiftet është Einxhel Shkira dhe Dj Dagz, ku ky i fundit e ka mbështetur pafund moderatoren e njohur teksa ajo ishte finaliste e BB VIP.

Po si është raporti i tyre tani që po njihen jashtë shtëpisë më të famshme dhe pa kamerat që i vëzhgojnë 24 orë?

Publiku dyshonte për lidhjen e tyre, Einxhel dhe Dj Dagz shfaqen kudo

Si duket edhe pas daljes nga shtëpia gjërat mes çiftit po shkojnë më së miri,  pasi në postimet e bëra në rrjete sociale të dy ata duken shumë të dashuruar.

Madje edhe gjatë mbrëmjes së djeshme, Einxhel dhe Dj Dagz ishin të ftuar në festën e organizuar nga produksioni i BBV dhe kanë realizuar një video live në “Instagram” për të përshëndetur të gjithë ndjekësit.

Einxhel dhe Dagz u shfaqën shumë të afërt me njëri-tjetrin teksa putheshin dhe përqafoheshin dhe dukeshin më të lumtur se kurrë.