Qeveria e Kosovës ka ndarë 520 mijë euro për renovimin e kulmit dhe hapësirave të brendshme të objektit të Institutit të Mjekësisë Ligjore (IML) pas dy zjarreve në këtë objekt.

Ministri i Financave, Hekuran Murati se ndarja e këtyre mjeteve vjen pas kërkesës nga Ministria e Drejtësisë (MD).

“Nga MD-ja kemi pranuar kërkesë për ndarjen e mjeteve buxhetore prej 520 mijë eurove dhe kjo kërkesë ndërlidhet për renovimin e kulmit dhe rikonstruksionin e hapësirave në objektin e brendshëm të IML-së, pas zjarrit dhe dëmeve që kanë ndodhur në atë objekt. Mjetet nga kjo pikë merren nga shpenzimet e paparashikuara, kategoria e shpenzimeve kapitale dhe transferohen në Ministrinë e Drejtësisë, tek Instituti i Mjekësisë Ligjore”, ka thënë Murati në mledhjen e qeverisë.