Quni komenton humbjen e LDK-së në zgjedhjet e 14 shkurtit

12 prill 23:56

Deputeti i LDK-së, Anton Quni, ka folur në emisionin DPT te Fidani lidhur me humbjen e LDK-së në zgjedhje. Më 14 shkurt LDK mori vetëm 12 për qind të votave.

Thotë se si parti ende nuk kanë nxjerr një përfundim që solli në këtë rezultat.

U tërhoq në momentin e fundit, Quni thotë se nuk bisedoi as me Abdixhikun e as me Hazirin para zgjedhjeve të brendshme

“Nuk e kemi bërë një analizë të mirëfilltë. Ende kemi qëndrime individuale. Atë që unë e them tani është mendim i imi”, thotë Quni.

“Nga momenti kur ne kemi tërheq disa vija të kuqe që me disa parti të caktuara se s’bëjmë koalicion dhe pastaj kemi ardhur në pozitë që me ato parti të bëmë koalicion jemi gjykuar nga elektorati”, shtoi ai.

“Filluam nga koalicioni me PDK-në që ka qenë për votuesit tanë e papritur”, tha Quni.

Ai përmendi edhe Vjosa Osmani e cila la LDK-në dhe krijoi iniciativën Guxo.

‘Gjithnjë duke menduar se nëse i thirremi zërit të arsyet, pa marrë parasysh këtyre vendimeve në shpërputhje me vullnetin e votuesve, LDK nuk ka bërë asgjë në dëm të shtetit të Kosovës, por nga votuesi nuk është kuptu kështu”, tha Quni.

“pavarësisht punës së mirë të ministrave të LDK-së kronologjia e ngjarjeve dhe acarimi i ngjarjes me Vjosa Osmanin ka ndikuar në përgjysmimin e votës. Ky është mendimi im. Besoj se ky është një mësim i mësuar për të gjithë ne”, tha Quni.

Lajme të sponsorizuara

Të fundit
Skenat politike të Bosnje e Hercegovinës dhe Sllovenisë janë tronditur…