Qytetarët e Prishtinës të frikësuar nga koronavirusi, blejnë maska mbrojtëse

26 shkurt 21:08

Tre të dyshuar për koronavirus në klinikën infektive në QKUK. Megjithatë, rezultatet dolën negative.

Është hera e tretë që Klinika Infektive në QKUK pranon pacientë, që kanë dyshime se mund të jenë prekur nga virusi korona.

Gjatë të mërkurës, këtu u shtrinë dy shtetas të Italisë e një tjetër nga Kina, e të cilëve po u bëhen analizat.

Ndërkohë mostrat tashmë janë dërguar në Institutin Kombëtar të Shëndetësisë Publike dhe rezultati i tyre pritet të publikohet gjatë mbrëmjes.

E gjithë kjo situate, ka bërë që qyetarët t’ia mësynë farmacive për blerjen e maskave mbrojtëse, të cilat janë shitur nëpër të gjitha barnatoret e kryeqytetit.

Se kanë mungesë të këtyre mjetëve mbrojtëse, e thonë edhe importuesit dhe shpërndarësit e barnave.

Adem Hasani, drejtor i depos farmaceutike “Dreni Pharm” thotë se ka kërkuar maska të tilla në disa vende, por që ato janë të shitura edhe për 3 muajt e ardhshëm.

Ndërkohë, së fundmi është raportuar edhe për një rast të prekur nga koronavirusi në Maqedoni.

Sipas informacioneve të para, bëhet fjalë për një person që ka ardhur në Maqedoni nga Italia.

Lajme të sponsorizuara

Të fundit
Një shtetas sirian 23 vjeç ka rënë nga ura në…